Лоиҳаи “Футбол ба назди шумо меояд” аз соли 2013, аз тарафи Лигаи хурдсолону наврасони Тоҷикистон амалӣ мегардад, ва соҳиби ҷоизаҳои байналмиллалӣ гаштааст. Соли ҷорӣ, барои Лигаи хурсолону наврасони Тоҷикистон, соли панҷум ба ҳисоб меравад, вале ин нахустин солест, ки тамоми Тоҷикистонро дар бар мегирад.

Ҳар руз мо шоҳиди он мегардем, ки дар ҳар куча ва ҳавлиҳои наздихонагӣ бачаҳо бо футбол машғуланд, ҳатто дастаҳои худро низ доранд. Лигаи хурдсолону наврасон “Футбол ба назди шумо меояд” ба онҳо имконият фароҳам меорад, то бо дастаҳои наздиҳавлигии худ дар ин озмун, ки ҳамин гуна дастҳоро ҷамоварӣ месозад, қувваозмоӣ намоянд.

Tcell бо ин дастгирии лигаи хурдсолону наврасон ба зиндагии солими насли наврас саҳми худро мегузорад.  “Дастгирии  - “Футбол ба назди шумо меояд”, ин лоиҳаест, ки дар доираи сиёсати ширкат ба роҳ монда шудааст, ки сиёсати аз ҷиҳати иҷтимоӣ масъул будани ширкатро бори дигар исбот менамояд. Мо шоҳиди он ҳастем, ки имруз наврасон ба футбол шавқу рағбати хосае доранд ва ин гуна лоиҳаҳо ба онҳо имкон медиҳад, то худро нишон бидиҳанд. Аз эҳтимол дур нест, ки мо дар ин симоҳо – ахтарони нави футболи тоҷикро хоҳем дид” – мегуянд масъулони ширкат.

Лигаи мазкур аз 20 январ  оғоз гардида, дар тамоми гушаҳои Тоҷикистон идома дорад. Дар он метавонанд писарону духтарони аз сини 6 то 12 сола иштирок намоянд.

Дар Душанбе озмун дар 20 микрорайон бо ҷалби қариб 3000 нафар ҷараён дорад. Дар вилояти Суғд бошад - дар шаҳрҳои Истаравшан, Хуҷанд, Конибодом, Ашт ва Бустон, 1500 нафар дар ин лоиҳа иштирок менамоянд. 2000 нафар аз районҳои тобеи марказ дар Турсунзодвву Ваҳдат, Ҳисору Норак ва ғайра дар доираи ин лоиҳа футболбозӣ менамоянд. Аз ҳама зиёд иштирокчиён аз вилояти Хатлон ба ҳисоб мераванд, ки зиёда аз 4000 нафар ҳастанд. Дар вилояти мазкур лоиҳа дар шахрхои Қурғонтеппа, Кулоб, Восе, Фархор, Данғара, Муминобод ва ғайра амалӣ гашта истодааст.

Ҳадафи асосии лоиҳа ҷалб намудани наврасон ба бозии футбол ва тарзи ҳаёти солим аст. “Федерасияи футболи Тоҷикистон ҳамеша дар кушиши он аст, ки наврасонро дастгири намояд. “Футбол ба назди шумо меояд” – барои хурдсолон иди футбол аст. Танҳо бо омода сохтани ҳамин гуна лоиҳаҳо метавон наврасонро ба тарзи ҳаёти солим ҷалб сохта ва аз хурдсоли онҳоро ба варзиш ҳидоят намуд. Мо ба ширкати “Tcell” ва махсусан ба роҳбари ширкат - Озодхон Давлатшоев миннатдории худро баён менамоем” – мегуяд директори Лигаи хурсолону наврасон Увайдо Давлатбеков.

Дар вилояти Бадахшони Куҳӣ бинобар сард будани ҳаво, лоиҳа моҳи апрел оғоз мегардад.

Даври финали низ моҳи апрел суръат гирифта, дастаҳои беҳтарин муайян мегарданд ва ба мукофотҳои гуногун ноил хоҳанд  гашт.

Ба забони русӣ

__________

Tcell - бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED - Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии халқҳои кишварҳои рӯ ба тараққӣ тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин кор мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.