Tcell барои муштариён барномаи "Эко" -ро оғоз мекунад. Акнун ҳар як муштарии ширкат метавонад дар беҳбуди вазъи муҳити зисти Тоҷикистон саҳм гузорад.

Барномаи “Эко”- тарҳи иҷтимоии ширкати мухобиротии Tcell мебошад. Иштирок дар барномаи “Эко”-и Tcell ихтиёрӣ ва ройгон аст, яъне муштарӣ аснои иштирок дар он маблағи иловагӣ пардохт намекунад, саҳми онҳо аз ҳисоби пардохти ҳармоҳаи муштарӣ барои тарофа ва ё аз ҳисоби бастаи Интернет гирифта мешавад.

Муштариёне, ки нақшаҳои тарофавии Даркор 99 ва аз он болотар, ё Аъло 100 ва аз он болоро фаъол кардаанд, ба гунаи худкор (автоматӣ) иштирокчии барномаи “Эко” мешаванд. 1 сомонӣ аз пардохти ҳармоҳаи онҳо ба хазинаи Tcell барои лоиҳаҳои экологӣ интиқол меёбад.

Барнома инчунин як қатор бастаҳои интернетиро пешниҳод мекунад - аз бастаи Eco XS (750 МБ, 26 сомонӣ) то Eco L (20 000 МБ, 200 сомонӣ). Бо фаъол кардани мегабайтҳо муштариён иштирокчии барнома мешаванд ва аз пардохти ҳармоҳаи онҳо хайрия (аз 2 то 5 сомонӣ) ба фонди экологии Tcell гузаронида мешавад.

Tcell маболиғи ҷамъшудаи фондро ба тарҳҳои ҳифзимуҳити зист дар пойтахт ва минтақаҳои Тоҷикистон равона месозад. Саҳифаҳои Tcell дар шабакаҳои иҷтимоӣ ва сомонаи расмии ширкатро пайгирӣ карда, огоҳ мешавед, ки кадом лоиҳаҳо ба нақша гирифта шуда, татбиқ мешаванд.